طريقة للفلافل‎

السلام عليكم
بسم الله الرحمن الرحيم
____________
الفلافل هذي من زمان كنت اسويها وامس طرت على بالي وسويتها وقلت اصورها لكم واعلمكم طريقتي بالتفاصيل وشوفو الفرق عن المطاعم باللون والطعم والريحه

نبدي بالمقادير

كوب كبير نخي( حمص) عدل يابس+ كوب كبير باجلا(فول) مفلوق يابس و مقشر** تغسلينهم زين وتنقعينهم يوم كامل يعني قبلها بليله

راسين بصل+ نص راس ثوم+ فلفل حار حبه + حبه فلفل اخظر بارد+ نص شده من كل هالاانواع( كزبره خضره+ اشبنت+ بقدونس + بصل اخظر)

بعد مانقعتي الفول والحمص يوم كامل صفيه من الماي عدل وفرمي كل انواع الخضره وحطيهم كلهم بمكينه اللحم على العين المتوسطه عشان تكون العجينه لااهي ناعمه ولا خشنه

البهارات

افضل تكون توها مطحونه تعالي شمي الريحه

عود دارسين( قرفه)+ ملعقه وسط من كل نوع من هالبهارات( كزبره يابسه+ فلفل اسود+ كمون)
+ملعقه كبيره ملح او حسب تذوقج
كلهم طحنيهم وحطيهم عالعجينه
مع ملعقه وسط بيكربونات الصودا+ نص ملعقه وسط بيكن باودر

عجنيهم مع بعض وخليها تخمر نص ساعه

وبعدها شكليها داوئر بالايد او باله الفلافل ورشيها بالسمسم واقليها بزيت غزير

شوفيها من داخل

لونها اخضر من الخضره وشوفي ريحتها وطعمهاااااااااااااااااا يفرق

» طريقة عمل العصيدة
» طريقة عمل العصائر بالصور
» طريقة مدفونة القصدير
» طريقة كيك السنكرس..بالصور...
» طريقة عمل الكبه اللذيذه