عمل مفلق

موضوع: عمل مفلق السبت أبريل 24, 2010 1:45 am

بسم الله الرحمن الرحيم

السلام عليكم ورحمة الله وبركاته

أخواني الاعزاء أخواتي العزيزات ..

اقدم لكم طبقي هذا ...من صنع يدي أحم أحم

(( المــفلـــق ))

المقادير:
مفلق
3 حبات بصل وسط
3 حبات طماطم كبير
نصف حبه فليفله
ثوم فصين
لحــم على حسب الاشخاص
التوابل ( معلقه صغيره بهارات ـ معلقه صغيره ليمون اسود ـ ملح ملعقتين كبار
عودين درسين ـ هيل 2 ـ مسمار 3 )
وزيت للحموس
نصف علبه صلصل
عدس كوب

الطريقـــه :
اول شيئ تفرمين البصل مع الطماطم والفليفله
وبعدين تحضرين قدر وتضعين البصل والزيت وتحركين فيه لمن يصبح اللون الذهبي وبعدين تضعين الطماطم والفليفله وتحركينه حتى يستوي وبعدين تضيفين المنكهات كلها وبعدين تضعين اللحم وتضيفين المــاء حد مايقطي اللحم
وبعدين تضيفين الصلصل وتحركينه شوي وبعدين تقطينه وتتركينه على نار وسط لمدة ساعه تقريباً
وعاد هل فتره انتي استقليها وقومي بحمس المفلق شوي في مخبز لمدة دقيقتين وسريع التحريك حتى مايحترق
وبعدين تشيلينا من المخبز وتضعينه في وعاء ضد الحراره وتضعين عليه عدس شوي مقدار كوب شاي وتغسلينا وتنقعينا شوي وبعد ساعه من حمستي اللحم ترجعين وتشيلين اللحم وتتذوقينه وتشوفين مقدار الماء وبعدين تضعين المفلق
وعاد طبعاً الماء اكثر من الكبسه يعني يقطي المفلق بواجد حتى يصبح لين
واذا بعدين بينشف ضعي اللحم فوق المفلق وقطيه 5 دقائق وخلاص يصبح جاهز للكل

وهذا الشكل النهـــائي

عليكــم بالعافيه

تحـــياتي لكــم جميعــاً

موضوع: رد: عمل مفلق السبت أبريل 24, 2010 1:57 am